Nunavunmi Taigualiakhaijut Katimajiit

Huurli taiguaqpangniq piqpagijauvat?

Amigaittut inuit Nunavunmiuttat ajuqhautiqaqpaktut taiguarnikkullu, titirarnikkullu kititirinikkullu naahautinin. Ajuqhautigijauvakput hapkuat qiniqhianikkullu havaaghatigullu pinahurrinniriinnik. Ilaa hapkuninga ilittuqhautinin taigulimaittungnaqhingmata aanniaqtailinikkullu, aanniqtailinikkullu nanminiqalaarnikkulluunniit pijungnaqtut. Ilaa nutaqqamingnut taigualimaittungnaqhijut ikajulimaittungnaqhijaillu iliharutainnin nutaqqatik.

Kangiqhimattiarniq imaatuinnaunngittut taigualaarnikkullu titiralaarnikkullu. Imaatullu ilaa ikajuutaungmat ilauqattarnighakkut nunamingni, havagvingmingni maligaliuqtiunikkullu inuuttiarnikkullu nunaptingni nunarjuaptingnilu. Kangiqhimattiarniq ilaa tunngaviutauhimangmat inuuhirnikkut ilihautigijaupluni.

Kinauvita?

Ukuat Nunavunmi Taigualiakhaijut Katimajiit nunalingni tutqikhaijiujuq ilaa kangiqhittitivaghutiklu ikajuqpaghutiklu kangiqhinikkut hulilukaarutainnin tamainni uqauhiit atuqhugit Nunavunmi.

Tahapkuat ilaujumajut ingmingnik Katimajini Aulapkaijiujut katimaqattaqpaktut tikittumajamingniklu pijumajamingniklu tutqikhaijitivut. Kiinaujatigut tunijauvaktugut ukunangat Nunarjuanin Taigualiakhaijut Havagvigjuangannin aittuutighaninlu nanminiiqtunin inungniklu ilikkuuqtunin. Ikajuqtaulluaqpaktugut ukuningalluaq Nunavunmi Ilihariaqpaallivianninlu Hamalatkuanninlu Iqaluktuuttiap.

Hunauvali pinahurrilluaqtavut?

Uvagut ukpiruhuktugut tamapta ilaa kangiqhittiaqhimajughaujugut. Ukpiruhuktugullu kangiqhittiaqhimaniit ilaa tamapta pijagharijaqqut - ilikkuuqtut, qatannguqatigiinut, nunaqatigiinut, nanminiqaqtunut kavamatkunnullu. Havaarijaptigut, kangiqhipkaivaktugut kangiqhijjutinin, ikajuqpaghugillu nunaliit taiguarnighakkut tutqikhaijiit, inirnirit ajuiqhajut taiguarnikkullu ajuiqhaqattaqtut ilagiikhangnikkullu pinahurritpaghuta aallatqiinin katimajiillu tutqikhaijinillu.

Huliniaqqita?

• Ukunagut Qatanngutigiillu Nunalingnilu Taiguarnighakkut Pivalliajjutighaanni, ilittuqhautinin, ikajuutighaninlu ajuiqhanikkullu inungnut pijumajunut havaaqarumajunulluunniit taiguarnighakkullu ilihautivalungniklu piliriarutainnin.
• Nunalingni katimaqatigiit havaqatigiplutigu parnaijarnighakkut ajuiqhaplugit, tunihinighakkullu aulapkainighakkullu nunamingni piliriarutainnin. Ilihautigivagait hammna: nunalingni ihariattigijaujutigut ihivriuqhiniinnik, piliriarutighatigut parnaijarnighakkut, tukhiqtuutinik titirauhiannin kiinaujaniklu katitiriniit, ihivriuqhinighakkullu, nunalingnilu qaujimapkaijjutighaannin.
• Havaarivaktavut Taiguarnighakkut Katimavianni ilaa amigaittunin makpiraaqaqtunin, qunniarutighaninlu aallallu ikajuutighavaluit atuqtaujungnaqtughat.
• Hitamaiqtuqhugit ukiuq atauhirmi unipkaaliuqpaghuta.
• Tuniqhaivaghuta ilittuqhautighainnin taiguarnighakkut Nunavunmi kavamatkunnut, inungnullu tatqaaniitunun ukunungalu unipkaaliuqpaktunun. Talvaluttauq munaqhivaghutalu kiuvaghugillu Kanatami kavamarjuangannullu Nunattiamilu kavamanginnut taiguarnighakkutigut pijumajaujunin maligainniklu.
• Hanavaktugut ilihaujjutighaninlu ilihaqtaujughaninlu ikajuutainnin ukiuqtaqtumi ajuiqhajunut ilihaqtunullu.
• Uvagut ajuiqhaivalliavaktugut taiguarnighakkut Nunavunmi ukiuq tamaat Titirauhirnikkut Akimanahuarniriinnik, Taiguarnighakkullu Fiftiinik akiraqtuutainnin, aliahuutigiplugillu Nunavunmi Taiguarnighakkut Ubluganni ukuallu Inuktitut Uqauttin Week Ubluganni.
• Ulapqipkaivaghutalu ukiuq tamaat uuminga taijauvaktumin Peter Gzowski Qaitquinikkut Muqpaquiplutik Ulapqinikkut Taiguarnighakkut mighaagut.

Titiqqap Turaarvia 1049 Iqaluktuuttiaq, NU X0B 0C0
Uqautikkut 867-983-2678 Uvvaluunniit 867-645-5506 Kajumiktukkut 867-983-2614
www.nunavutliteracy.ca

Designed and hosted by in collaboration with The Nunavut Literacy Council